MIRIAM DEFENSOR SANTIAGO

MIRIAM DEFENSOR SANTIAGO

     Si Miriam Defensor Santiago, ay isang politiko at dating Senador ng Pilipinas. Siya ay isang abogado, dating hukom, at guro ng saligatang batas at batas internasyunal. Laging natatampok si Santiago sa pandaigdigang balitaan dahil sa kanyang tahas sa pananalita. Marahil, ito ang isa sa mga hinahangaan ng tao sa kanya; wala siyang kinatatakutan. Kilala siya dahil sa walang preno niyang bibig. Maraming  takot sakanya at talagang pinag lalaban niya ang alam niya tama. 

     Napili namin si Miriam bilang aming hinahangaang pinuno dahil sa kanyang angking talino, sapat na kaalaman sa bawat desisyon na kanyang ginagawa na sadyang nakakabuti at produktibo sa kanyang nasasakupan at ang kanyang galing sa pamumuno. Bukod sa pagiging isang lider ay isa rin siyang huwarang ina at asawa. Kahit siya ay babae kaya niyang ipaglaban ang kanyang bawat salita at kanyang mga paninindigan. Naging isa siyang epektibong lider para saamin dahil, sa kanyang galing sa pakikipag ugnayan sa bawat isa at ang kanyang salita ay totoo at walang halong pagkukunwari. 

     Siya ang pinakamatagumpay na naging senadora, nakapag-akda ng napakaraming batas, maraming parangal na natanggap at pinagkakatiwalaan ng madla pagdating sa tunay na paglilingkod. Marahil maraming kumekwestyon sa kanyang paglilingkod dahil sa kanyang sakit ay hindi ito naging hadlang sa kanya para paglingkuran ang ating bayan. Siya ay Maabilidad, Masipag, Maaasahan. Dahil sa tapang at husay na pinamalas ni Miriam, siya'y ginawaran ng iba't-ibang parangal. Isa na dito ang "Ramon Magsaysay Award" na isang patunay na siya'y isang magaling na lider. Marangal, matapat at walang kaso ng korapsyon.

Nakatala sa larawan sa itaas ang kanyang mga pinag tapusan, ilan sa parangal na kanyang nakamit at mga batas na napaisatupad. Sadyang kahanga hanga nga naman ang abilidad at talino ni Miriam. At dahil nga sakanyang kakayahan, madaming kabataan at tao ang naniniwala sa kanya. 

Isang malaking inspirasyon para sa amin si Miriam at ang kanyang mga iniiwang kataga. Isa na rito ang kanyang sinabi na "Change this world and begin with me." sa dinami dami ng kanyang sinambit a kataga na naging inspirasyon namin, ito talaga ang tumatak sa amin. Ika nga, ang pagbabago ng ating bayan ay mag sisismula sayo. Hindi lang saamin ngunit sa maraming tao rin nakapag bigay ng inspirasyon Miriam. 

     Siya ang aming hinahangaang lider, inspirasyon, at naging mabuting impluwensya hindi lang sa amin ngunit pati na rin sa nakakarami. Kahanga hanga talaga ang kanyang mga kakayahan, hindi man siya nanalo bilang pangulo ng ating bansa, sapat na ang ipinamalas at ipinakita niyang pagpapakatotoo, pagiging matapat at makabansa. Para sa amin, ganitong lider ang kailangan ng ating bansa dahil lahat ng katangian ng mabuting pinuno ay taglay niya. 

     Miriam Defensor Santiago, isang kahanga hanga at epektibong lider sa lahat ng larangan.